كتاب وشعراء
جنس البشر أنواع… بقلم منى عبد النبي
جنس البشر أنواع
متصنفين اجناس
وكل واحد فيهم
تركيبة عكس عكاس
فيه جنس اصله صفيح
وجنس زي الماس
وجنس ارضه حديد
ونوع مالوهش اساس
جنس يخليك تحبه
وتعشق الحياه
وجنس تشوفه جاي
تغير الاتجاه
ونوع تديله ودك
تلقاه تملي ضدك
ونوع ماتعبروش
يتمنى حتى ودك
جنس بتعمله قيمه
يدي لك بالقديمة
ونوع تديله بيها
يعمل لك الف قيمة
وناس مالهمش لازمة
تعمل لك الف ازمة
وناس تفديك بروحها
توهب لك البلازما
يارب توب علينا
من جنس الغدارين
وابعد شرورها عنا
واوهبنا الطيبين ..
