أنا لو رجعت صغير
هفتحلك الشباك ..!!
ع الروح بدون تفكير
دانا قلبي لسه هناك ..!!
زى الكتاب تقريه
فيه اللى نفسك فيه
وفيه كمان صورتك
والتوكة وضفيرتك ..!!
والمريلة البنى
يا عمر ضاع منى
لسه ملامحك ضى
ف العين وف الننى ..!!
لسه الأمانى كتير
آآه لو رجعت صغير ..!!
آآه لو رجعت صغير
“وأصنع على إيدى ”
فرحتى وعيدى
مش حلم بالطباشير ..!!
وتهب ريح تاخدو
وحبايبى يتاخدوا
وتفضل الذكرى
ياحلمنا لبكره
والرك ع التفسير
لسه القلوب فاكرة
لسه الأمانى كتير
آآ ه لو رجعت صغير ..!!
