معايا مصر بهمومها
بنفس الباص
بلبسها جي م العتبة
وبالبلاص
كأنها ضلي فين ماباروح
أقول لها توبة تقرالي
من الإخلاص
معايا مصر في الشنطة
وجوة العين
وفي الألبوم و بالعناوين
بتسبقني لسرير نومي
وتسرقني من الجنة
لو انها أقسى من تنين
بفوضاها/بسوء حالة رعاياها
بزحمة وسط رمسيسها
بميت دمسيسها ميت توهة
وبالبتانون بتابلوها
وبالشطانوف بريفها منوف
بمن فيها بمنفاها
باحب المستبدة بلاد/
بقلبي عاملة ممشاها
باحبها عاملة من بنها
وتنزل بعدها بانشاص
تبيع مناديل
تبيع عسلية بالسمسم
تبيع جلاب
وتضحك مهما غرزوا الناب
ومهما بعتروها كلاب
باحبك فوق ما يتصور
أديب بكتاب
