قب و هات
شعر : سامي القريني
باحبك انت حبيبي
قب بقي وهات
ضحكت فوشك
حكيت عنك حكايات
ياما قلت عليك كبير
أجدع من أجدعها وزير
واللي كان زيك مات
ماتشب بقي ودلعني
أديني فلوس وحاجات
أنا عاوز منك حته
واحده من الشركات
تكون علي جنب نايمه
ممحيه من الذكريات
أو أقولك
مش حافضل أعد فلوسك
وفلوس ناس تانيين
أنا عمري عدي وفات
الحب بقي بيتباع
أنا صريح وشجاع
مش حاقضيها تباع
أنا عاوز أعد فلوسي
وانت بقي ننوسي
وانا كاتب فيك روايات
ناقص أجيبله ناديه وشاديه
وعليهم بوسي
قصاد حبه كلمات
بيقولي أصل انت فقلبي
دمي بيجري فدمك
أنا عامل كده زي امك
باديك حب ودعوات
ما تيللا شب وقب وهات
