خُلِصت حِكَايِتَك يَاجَدع
قُم من التُراب لِم الوجع
إوعَاك تِفَكر فى إللى كان
يَامَا فى زَمَانك مِن كَام وجع
نَفَض هُدومَك من التراب
خَبَط وفُوت عَلى كُل بَاب دُق بِوجَع
وإصِرخ وقول حِلمي إتِسرق
وإمِشى فى طَريِقك من سُكَات
إيَاك تِفَكر فى حِلم مَات
كل إللى بَاقى من الزَمن
إنَك تِموت وبدون وَجَع
الظُلم لِيه ألف بَاب وبَاب
إوعَاك تُقول إني إنِظَلمت
إوعَاك تِفَكر يوم فى حِلم
أدِى إنت شُوفت مِين إتظلم
وعِرفِت مين إللى ظَلم
