غُربه ..
شعر : سامي القريني
غُربه
قالوا عالغربه أشكال وألوان
أوحش غربه لما فبلدك
مايكون لك عنوان
لما ماتلاقاش حب حقيقي
وتفتقد الامان
تلف الدنيا تعيش ميت
تفتكر أيام زمان
تلقي إن الذكريات كلها
في خبر كان
تفقد طعم الحياه
تسأل نفسك
راح فين الإنسان
ليه غابت الاخلاق
راح فين الوفاء
طلع الطمع والغدر
علي شكل حيوان
ينهش الطيبين
ويسيب اللي خان
يعلي علي اللي رباه وسقاه
العلم وفي المجتمع علاه
بص تحت رجليه ونسي
إن كل وقت وله أذان
حاييجي وقت
الطير المهاجر يرجع
يرجع لعشه والمكان
لما يعود الوطن من جواه
تُشرق شمس الحق
ويعود العنوان
وسط الاهل والخلان
حايدور أكيد الزمان
