قتلوا السلام دبحوا الحمام
وعروبة ساكته على الدوام
الطفل مات والكون سوكات
أمه وأبوه صبحم رُفات
حتى الجيران مابقوش
جيران الكل سابه ياناس
ومات
اللي فقد ساقه وعنيه
حتى دواه ممنوع عليه
واللي أصابه كتير آفات
ضرب بقنابل وبدانات
طيران مدافع والغارات
هدموا البيوت فوق البنات
حتى المريض ضربوه ومات
فين العرب صبحم شتات
وفين ماضينا ومجد فات
حتى اللي مات من أهلنا
في الأرض مش عارف يبات
هدموا الجوامع والقبور
إسلامنا محتاج الرسول
يجي يحفز أمته يبقوا نسور
مش طير ضعيف زي النعام
يعمل من الرملة قبور
علشان مايدفن رأسه فيه
ويا الكرامة في أرض بور
د الأقصى كان مسرى الرسول
ورسولنا كان ع الدين غيور
أقصانا يبكي من عصور
أين الملبي للنفور
يامن ساكنتم في القصور
أطفالنا لا يأويها دور
وقلوبكوا تسكن في القبور
وقبوركوا جدرانها الصدور
بكره هيجي عليكو الدور
بعد وفات تلك الزهور
