ع المطب الكهربي
شفت واحد
شكله متعفر حكاوي بيشتكي وعامل خلاصة
بس بزبوزه ملولو شرشبي
يعني إيه ؟؟!!
طب صلوا بينا ع النبي
مرمطون متكرع الكدب الغبي
قالوا عنه الفيلسوف وكتير يتهْته في الكلام ..
ينحت في قلب السهرانين ..
حتى الأغاني اتبعترت عند الفطار ..
لما اتربط بحزام مطية مغربي
مرّغ اللحن الجميل واتبلّى ع الناس اللي عدت
و ماخدش الواد في باله اما سقط
من مذهبي
سرسجي اتشقلط بزرع الطيبين لما اتبرعوا وخانهم مفكه الأرنبي
زاد على الطين بلّته بشلة دراوشة منمنمين ومبزبزين ..
متقنطرين وبيركبوا الهوا ف برميل مدندش دولبي
معلش الصبر مستني الحلاوة
صورته عندي ع الخابور اللولبي
استنوا بكرة الحلقة بالتفصيل على شراع مركبي
فرّق الرجالة و اتلتم بكام درويش، وشخليلة صبي
قلب الننوس على الطبلة وصاج مربوط ..
بـ طار رفاص و رقاص ..
و ما لوش حتى إطار
غير أعربي
مرمطون متكرع الكدب الغبي
بكرة هنكمل حكاية الطبلجية اللي استحموا
ع المطب الكهربي
صلوا بينا ع النبي.
