الحب ما يتشراش بالمال
لا حب صاحب ولا ست ولا عيال
الحب أرواح وطباع بتتلاقي
ونلاقي نفسينا علي دا الحال
بنحب علي روحنا وبنتحب
مهما كان عيبنا
يقول فينا الحبيب موال
ولاد الأصل تكفيهم إبتسامه
تشُق في قلوبهم علامه
تزرع نبته حب مالها مثال
أما الخسيس
مهما إديته وعملت معاه
تلقاه ناكر الجميل غَلّال
يحفر قبرك بإيده لو طال
لو حد خذلك مره
فحاجه صغيره إحترس
حايكون في الكبيره
غدّار جبان بطّال
