هذا أنا الأسمر
م النوبة من سيوة
من طابا م السلوم
من أي حتة في مصر
العشة عنده القصر
وبأي زاد بيزيد
ماكرهش زي العيد
داخل على الفقرا
بجرس يصحي العين
على صوت أدان فرق
بين هكذا شعبين
محمي ومش محمي
اللي اتشوى لحمي
واللي اتسلق في الدين
واللي غرق في البحر
هذا أنا الاسمر
وشي مراية العصر
شايل ملامح أسى
دايسة عليه السنين
دا دهر مش ستين
عمري آلاف السنين
مرت مرور التروس
على قلب في المفرمة
أنا مش حزين إنما
في عنيا شايل مصر
دافع فاتورة قصر
وولادي من بعدي
حيسددوا في الدين
