جوانا روح …….بقلم سعيد شكري

جوانا روح ..!!
لسه فاكرة
إن وصف الحب عندى
روح ودبت جوه روح
لسه نفس الوصف هٌو
روح بتدى التانية روح
لما بتعافر .. بقوة
تلج دايب جوه ميه
كل ذرة ف حضن ذرة
بلّوا ريقنا ف صيف بؤنة
كميا بينهم .. كل مرة
حلوة .. مرة .. تزيد مابينهم
واللى ياما خوفونا
لو بإيدهم يفصلوهم
يبقوا ييجوا يفرقونا
ده إحنا أقوى بألف مرة
للنهاردة ياحبيبتى
للنهاردة
ﻟﻤﺎ “ﺏ” ﺃﺣﻀﻦ ﺫﻛﺮﻯ ﻣﻨﻚ
ﺑﻌﺪ “ﻭِﺭﺩ” ﺍﻟﻠﻴﻞ ﻭﺍﻧﺎﻡ
ﺃﻭ ﻳﺼﺎﺣﺐ ﺿﻞ ﺭﻭﺣﻚ
ﺟﻔﻦ ﻋﻴﻨﻰ “ﻑ” ﺍﻟﻤﻨﺎﻡ
ﻭلاّ ضحكة رقيقة ﻋﺪﺕ
ﻭﺇﺣﻨﺎ “ﻑ” ﺍﻟﻤﺮﺓ ﺍﻟﻠﻰ ﻋﺪﺕ
قبل منها .. “ﻑ” ﺍﻟﺤﻘﻴﻘﺔ
ﻛﺎﻥ ﻣﺎﺑﻴﻨﺎ ﺧﺼﺎﻡ ﻛﺒﻴﺮ
ﻟﻤﺴﺔ ﺍﻹﻳﺪ ﺍﻟﺒﺮﻳﺌﺔ
ﻓﺠﺄﺓ ﺗﺒﻘﻰ ﺷﺊ ﺧﻄﻴﺮ
_ ﻳﻼّ ﻗﻮﻡ ﺍﻧﺎ ﻋﺎﻭﺯﺓ ﺃﻣﺸﻰ
_ ﻃﺎﺏ ﻣﺎﺗﻤﺸﻰ
ﻭلاّ ﻋﺎﻳﺰﺓ ﺧﻂ ﺳﻴﺮ
ﻳﺒﻘﻰ ﻟﻮﻥ ﺍﻟﺨﺪ .. ﻭﺭد
_ ﻳﻼّ .. ﺑﺘﻜﻠﻢ ﺑﺠﺪ
_ ﺑﺲ ﺁﻩ ﻟﻮ ﺗﻬﺪﻯ ﺣﺒﺔ
ﻳﺎﺣﺒﻴﺒﺘﻰ ﺑﻼﺵ ﻣﻨﺎﻫﺪﺓ
ﺇﺣﻨﺎ أﻛﺒﺮ “ﻡ” ﺍﻟﻜﻼﻡ ﺩﻩ
ﺇﻗﻌﺪﻯ “ﻝ” ﻳﺸﻮﻓﻨﺎ ﺣﺪ
تقعدى وعنيكى .. شاردة
ﺗﻠﻤﺤﻰ “ﻑ” ﺇﻳﺪﻳﺎ ﻭﺭﺩﺓ
ﺗﺨﻄﻒ ﺍﻟﺒﻮﺳﺔ ﺍﻟﻤﻌﺎﻧﺪﺓ
ﻓﻮﻕ ﺷﻔﺎﻳﻔﻚ ﻣﻦ ﺳﻨﻴﻦ
ﻗﻠﺒﻲ ﻳﻀﺤﻚ ﻗﺒﻞ ﻣﻨﻚ
ﺿﺤﻜﺔ ﺗﻄﻠﻊ ﻏﺼﺐ ﻋﻨﻚ
ﻭﺗﺪﺍﺭﻳﻬﺎ .. ﺑﺮﻏﻢ ﺇﻧﻚ
وانتى “ﻑ” ﺍﻷﺣﻼﻡ “ﺑﻬﻴﺔ”
ﻗﻠﺒﻰ “ﻑ” ﺍﻟﻮﺍﻗﻊ ﻳﺎﺳﻴﻦ ..!!
المواجع .. هى .. هى
الحناجر .. والعجين
واللى باعك غصب عنك
واللى باع دنيا ودين
واللى شال على راسهٌ طين
نفسهٌ يمسك عقد شقة
ولا اوضة .. ف أى عين
واللى عاش الضحكة سرقة
ليشوفوها البصاصين
واللى بيعيط بحٌرقة
كل لقمة يجيبها دين ..!!
دمعة الواد الصغير
لما يسأل فين دواه
رد أبوه عليه يحير
أصل تمنه مش معاه
أمهٌ تبكى جنب منهْ
عندك إيه ماتقولش آه
يابنى سيب أبوك ف حيرتهٌ
يابنى باع كل اللى حيلتهٌ
واستلف من كل جيرتهٌ
يقطع الملعون وسٍيرتهٌ
قول لنا راح نعمل إيه ؟!!
هو ده المقدور عليه
خبطّت ولا ألف باب
والحياة ماشية ف طريقها
الحضور زى الغياب
كل آه تبلع ف ريقها
ضحكتك .. طاب مين سرقها
من عيونى المشتاقين
( يا بهية وخبرينى ..
عن حال العاشقين ..!!؟؟ )
الكلام يخسر براءتهٌ
والسؤال يرفض إجابتهْ
قلب عاشق .. مين يصدق
ييجى يوم يكره حبيبتهٌ ..!!
كٌنا أقوى م السنين .. !!
( يا بهية وخبرينى ..
ع اللى فرقنا مين ..!؟ )
حاجة عن أوجاعنا وانتى
ياحبيبتى عايشة فيها
واللى عنده حاجة حلوة
كان ضرورى يخاف عليها
مين يداوى الجرح مين ..!؟
” يا بهية وخبرينى ..
ع الحب و ع الحنين ”
ده احنا هامش بس عايش
جوه هامش تانى غيرهٌ
حلمنا ف الحب طايش
غيرنا بيحدد مصيرهٌ
مين يلم الشمل .. مين .!؟
( يا بهية وخبرينى ..
ع اللى قتل ياسين )..¡¡؟؟