عشان عاشق
خروج روحي
سبيل للناس
مانيش متشاف
ولا صورتي
على القنوات معروضه
ولا سيرتي
بتيجي وسط عرس ثقافة التهليل
ماليش في زفة التعريص
ولا بمشي ف طابور الزيف
و شاطح فوق حدود كونهم
براق شعري صعد بيا
و ساب كل الملاليه
ف سابع أرض
مليش في الحظ
ولعبة شيلني وانا شيلك
ووسط مراسم التتويج
أ أبج فيك لتتويجي
ولا عمري مطاطي الرأس
ولا بوّاس إيدين حاكم
أكيد فاهم…..
وفاهمني…..
وعارف ليه
ما نيش ظاهر
في صورة عصرنا الحاضر
ومش عايز
كفايه عليه تاريخي
يعلي صورتي يوم للناس
ويكتب عني تاريخي
دا عاش حر في كتاباته
ومات شاعر
و مات إنسان
