الأربعاء , سبتمبر 30 2020

منال شربيني تكتب ….تيمور السبكي بيطعن في شرف كل سيدات مصر

تيمور السبكي بيطعن في شرف كل سيدات مصر وده مش غريب على السبكية…لكن اللي انا مستغرباه قوي انه بيتكلم بوصف تفصيلي دقيق للغاية يخلينا كلنا نفهم ان له معاناة شخصية ربما في بيته او في عيلته…ومن منطلق العقدة دي كاتت تعبيرات وشه غبية قوي وهو بيشرح ويستفيض في الموضوع..مش معنى ان فيه شوية خارجين عن العرف والدين تبقى البلد كلها كده..وعموما اي حكم جريء وغير محترم على النساء كلها هو اهانة للرجالة كلهم ..وكل اناء ينضح بما فيه.. والموضوع محتاج وقفة ضد قلة الادب اللي مجتاحة البلد..كفاية بقى فضحتوا مصر بكل الطرق..البالوعات دي لازم تتسد…اتصرف يا ريس..الابحاث بتقول ان ستات مصر رجالة بتصرف على يتامى وازواج بيشربوا مخدرات وازواج مش بيشتغلوا .. ستات مصر الارامل والثكالى ربوا ضباط وطيارين ودكاترةومهندسين اد الدنيا.. وفي نفس الوقت بتلاقي الست مرات بواب او عامل باليومية وبتشتغل في البيوت عشان تستر ولادها.. وبلاش عقدة الخواجة ونتعامل مع الامر على انا من كوكب تاني….. ستات مصر برقبة رجالة كتير من النوعيات اللي بنشوفها على الفضائيات…لازم نكتب لافتة على بيوتنا نكتب عليها هنا تسكن امراة تقوم بدور الاب والزوج وكل رجال البلد…

مش عارفة الدولة ساكتة ليه.. هو فبه ايه بالضبط.. كأن الامر متفق عليه.. حماية الدولة مش بحماية حدودها بس.. حماية الدولة يعني محدش يقرب لعرضها.. وستات مصر عرض وشرف مصر…الامر مش محتاج بلاغ لنائب العام.. المفروض النائب العام يقدم بلاغ بالواقعة لمكتبه ويتصرف تلقائيااا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: