هاني عزت بسيوني يكتب ….شعب صحي من النوم لقي فيه جزيرتين اتاخدوا علي غفله

عارفين ايه المشكلة الحقيقية في الموضوع .. 
مش ان الجزر مصرية ولا مش مصرية وبس !…
الموضوع ان شعبك صحي الصبح لقى ان فيه جزيرتين اتاخدوا منه على غفلة بس …. 
بس من الجرايد !؟. 
يعني لو فعلا هي سعودية ، طب بتحطوها في مناهج التعليم الابتدائي لاطفالنا ليه انها مصرية !!؟ .. 
كان لازم تقولوا اننا مستلفينها وبس .. يعني دين علينا ولازم يرجع …!!؟؟؟
ولما هي مش بتاعتنا ليه عملتم لها قرارات وفصلتم ليها عبارات !!؟؟ 
هي الناس ناقصة احباط !!؟
طيب لو فيه مفاوضات شغالة ماقلتوش ليه .. ومن امته !!؟ .. 
وايه بنود التفاوض والاتفاق وعلى ايه بنتفاوض وليه من الاساس نتفاوض طالما هي مش بتاعتنا !!؟ 
وليه رجعنا الجزر دي النهاردة مش من سنة او حتى من عشرة !؟؟ 
واظن السعودية من عشرات السنين كان عندها جيش وقوات وبحرية برضه …. 
يعني ايه تعامل شعبك كقطيع مالوش فيها عشان يصحى الصبح على الخبر المقرف ده !؟ 
طيب ووضع الدستور اللي انتم رقصتم عشانه قدام اللجان على “بشرة خير” بقه دلوقتي ايه !؟ 
مش المفروض فيه استفتاء على الاتفاقيات اللي بتمس السيادة والارض والا الحكاية جيم اوڤر !؟ 
والا كله ماشي وخليها علينا المرة دي !!؟؟ 
للاسف .. المطبلاتيه هما هما وما فيش فايدة !! 
خسارتك يامصر ! .. هي هي نفس الناس والوجوه اللي كانت بتطبل للتوريث .. لسه بتطبل برضه لبيع الوطن !
بقيتم زي الصهاينة اللي احتلوا فلسطين تحت ذريعة انها ارض اجدادهم منذ زمن موسى واثبتوا للعالم كله كده بالكوسه .. انهم اصحاب الارض من مئات الالاف السنين.! 
بس على الاقل الصهاينة كانوا بيعملوا كده عشان يكون لهم وطن .. 
اما انتم … فبتبيعوا الوطن !!!..
ياريت بس شوية كرامه وخجل .. فضحتونا جتكم القرف !!!!!!!!!