الأربعاء , سبتمبر 23 2020

أنا إبن الليل ….قصيده للشاعره نهي سعيد

أنا إبن الليل
أنا المذنب انا الطوّاف
وطوفت كتير
وجيت وبكيت على بابك
يا اول سطر في كتابي
أنا آخر سطر في كتابك
أنا سكيّر
ذنوبي كتير
مفيش ولا حاجه تشفعلي
لكن ….
أنا ليا رب كبير
طلبت المغفره منه
وجيتك واعتكفت ف دير
أنا راهب
طلبت الرحمه والغفران
بعتلي الرب عود ريحان
يا زاهده الدنيا أنا زيّك
ده ضوء الفجر من ضيّك
تعالى نبتهل لله وندعيله
يا جنة ربنا ع الأرض
غني له ….
وصلى له السنن والفرض

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: