جريدة العربى اليوم الاخبارية
- فيه جزيره إسمها جزيره برخيل بالأسباني، و بالعربي اسمها جزر توره،. الجزيره دي مساحتها ٠،١٥ كم مربع و غير مأهوله بالسكان. الجزيره دي بتبعد عن المغرب ٢٥٠ متر (الرقم صح ٢٥٠ متر)، و بتبعد عن أسبانيا حوالي ٢٠ كم.
- كل القوانين بتاعه تقسيم الحدود البحريه بتدي ملكيه و سياده الجزيره دي للمغرب بشكل قاطع، لكن الجزيره دي أسبانيه بحكم الأحقيه التاريخيه. و سنه ٢٠٠٢ المغرب بعتت كام عسكري و حطو العلم المغربي علي الجزيره علشان يراقبو المهربين، قوم إيه، تقوم مظاهرات في اسبانيا، و تبعت اسبانيا فرقه صاعقه محميه بالطائرات تنزل علي الحزيره و تأسر العساكر المغاربه، و تحط العلم الأسباني علي الجزيره ، و تطلق سراح المغاربه في نفس اليوم في رساله إن الجزيره أحقيه اسبانيه بحكم الأحقيه التاريخيه، و نفس الكلام علي جزر أشفارن اللي بتبعد عن المغرب ٤ كم و بتبعد عن اسبانيا ١٤ كم. و مئات الأمثله الأخري !!
- الأحقيه التاريخيه بقه لجزيره تيران و سنافير مصريه ميه في الميه، لسبب بسيط إن ما يطلق عليه الدوله السعوديه الأولي و الدوله السعوديه التانيه بين سنه ١٨١٨ و ١٨٩١ مكانش ليها حدود علي البحر الأحمر اساسا، و الدوله السعوديه التالته بين ١٩٠٢ الي قيام دوله المملكه العربيه السعوديه سنه ١٩٣٢ برضو مكانش ليها حدود علي البحر الأحمر، و حتي بعد كده و لو فرضنا صحه إدعاء السعوديه إن الجزر بتاعتهم برضو فضلت السياده مصريه، و حاربنا عليهم ٣ حروب ، و مات شهداء بسببهم، و إدفن عليهم ٣٣ من خيره شباب بلدك من فرقه الصاعقه اللي دافعوا عن جزيره تيران لأخر رصاصه في حرب ٦٧. غير لو عايز تعتبر شهداءك مرتزقه إستشهدو فطيس دفاعا عن أرض سعوديه !!
- أي شخص عاقل و عنده ذره إنتماء علي أقل تقدير يطالب بتحكيم دولي لفض الإشتباك بين الإحقيه التاريخيه و قوانين تقسيم الحدود و المياه الإقليميه، بلاش تدافع عن حق بلادك التاريخي يا سيدي، أطلب تحكيم علشان تتأكد، أطلب إستفتاء إحتراما للدستور اللي رقصت قدام لجانه، لكن التسليم بإتفاق يتعمل بالليل و تصحي تقراه في الجرايد، و تدافع عنه بالروح بالدم هو ده مش قادر استوعبه الصراحه !!
- أنا فاهم إن فيه ناس بتدافع و خلاص علشان ميطلعش السيسي غلطان أو باع الأرض، لكن يا سيدي المفروض الأولي إنك تدافع عن بلدك و تراب بلدك، الرؤساء زائلون و البلد هي اللي باقيه !!
أخبار عاجلة
- الرياض.. تسجيل إصابات بعد انفجار في مطعم سبب اشتعالا لحظيا
- الدفاع الروسية: إسقاط مروحية أوكرانية و6 مسيرات وإحباط هجمات على عدة محاور وتصفية مئات المسلحين
- الولايات المتحدة تأمل في بدء مفاوضات حول أوكرانيا بشروط كييف
- فرنسا.. انتهاء التحقيق في الهجوم على سوق عيد الميلاد في ستراسبورغ عام 2018
- أردوغان: بايدن يخفي غولن في ولاية بنسلفانيا
- انطلاق مناورات تمرين “عين الصقر 3” بين القوات الجوية السعودية ونظيرتها اليونانية
- وزير الصناعة والثروة المعدنية السعودي يلتقي وزير البترول والثروة المعدنية المصري في شرم الشيخ
- طبيب عيون يكشف الأسباب الرئيسية لحول العين
- صور صلاح تزين غرفة زميله السابق في “الريدز”.. على الوسادة والسرير والخزانة والفناجين
- بطريقة مبتكرة وعلى الأبراج.. الإعلان عن قائمة منتخب قطر لكأس العالم 2022
