جريدة العربى اليوم الاخبارية
- عارف يعني إيه إنك ماتقدرش تأكل الناس وتشغَّلهم؟ عارف يعني إيه تجريف ثرواتك وبيع أرضك؟
- هم فين أجيال الجغرافيين والمؤرخين المصريين؟ فاكرين لما كنا بنتكلم عن “التجريف” اللي بيحصل لمصر؟! إحنا دلوقت بنشوف جزء من نتايج التجريف ده!! الجامعات المصرية طول عمرها بتعمل جغرافيين ومؤرخين و،متخصصين في تاريخهم وجغرافيتهم ومواردهم البشرية. أكيد فيه ناس منهم ماعرفوش يسافروا، أو رفضوا يسافروا، لكن الغالبية العظمى، ونتيجة للمرتبات الضئيلة والمخزية وضيق ذات اليد، سافروا عشان يقدروا يعملوا أي حاجة لأسرهم وأهلهم.
في الحقيقة الناس دول توجهوا إلى دول الخليج، وبالذات المملكة العربية السعودية. كان المفروض يقعدوا ٤ سنين أو ٦ سنين أو ٨ سنين. فيه منهم اللي قعد مدة الإعارة ورجع، وفيه اللي مدد الإعارة، وفيه اللي استغنى أصلا عن مكان عمله في مصر وقرر يكمِّل في السعودية أو في غيرها.
تفتكر، إن أي حد من دول هايطلع يتكلم عن جغرافية مصر وتاريخها؟ هل تتصور إن الناس دول يقدروا يخالفوا نظام الشغل هناك ويطلعوا يتكلموا عن تيران وصنافير بشكل ما يتفقش مع طموحات ورغبات السعودية؟ طب تفتكر إن اللي رجعوا دول، ممكن يتكلموا أصلا في إن تيران وصنافير مصرية؟ أكيد هايقولوا لهم: إنتوا بتشخوا في الطبق اللي أكلتوا منه، يا خونة ياللي اتمتعتوا بخيراتنا وأخدتوا فلوسنا ورايحين تضربونا في ضهرنا!!! ودا طبعا إذا أضفنا لكل دول، الأجيال التي تربت هناك، أو عاشت لعشر وعشرين سنة حتى أصبحوا ملكيين أكتر من الملك، وطبعا أكيد كلنا ملاحظين جيوش الصحفيين والإعلاميين اللي ساكتين خالص وعاملين نفسهم من بنها، أو بيأكدوا إن مصر كلها سعودية أصلا!! مصر وجامعاتها خرَّجت أجيال من الجغرافيين المصريين والمؤرخين الوطنيين اللي عارفين طبيعة بلدهم وتاريخها وتاريخهم.. هم فين دول دلوقت؟ أهو هو دا بقى التجريف اللي نبحنا فيه صوتنا طوال ٣٠ أو ٤٠ سنة، ولسه شغال لغاية دلوقت..
أخبار عاجلة
- لا تسألوني ما اسمه حبيبي: * علي السعيدي / شاعر المناجم/ سوسة /تونس
- في الوجود للمبدع التونسي حاتم بو بكر
- السردية والشعرية للناقد المبدع اليمني منصور الأصبحي
- * نص الكلمة التي أعددتها للندوة التي شاركت فيها أمس بمعرض الشارقة الدولي للكتاب.: المؤلف بين الواقع والروائي*
- لو ابصرتك بعيني //للشاعر اساهي فريد 🇾🇪
- لمست روحكَ الدافئة البارحة …… شعر // نرجس الشجيري // العراق
- عيد غدير مبارك …… شعر // محمود علي نور الدين // لبنان
- لهيب الشوق ……. شعر // سعيد محتال // المغرب
- بلينكن يتحدث عن فرصة أمام كييف لتحديد توقيت مفاوضاتها مع روسيا
- منعطف درامي قبيل كأس العالم.. هل انتهى مشوار رونالدو مع مانشستر يونايتد؟
