الثلاثاء , يناير 19 2021

عمر حشيش يكتب …..الحمل تقيل ياأولاد البلد الوطنيين

امانه عليك يا قبر مايكون فيك حصى ولا طوب جايلك ولاد زين
شهداء سيناء اليوم و عرسان الجنه ان شاء الله 
الرائد خالد محمد السيدوالمجندين أيمن أحمد السيد، وعلى أحمد عبدالله، 21 عامًا
كلمات الشهيد لأمه
ولو مت يامّه شهيد .. أقفى زى السبع وماتبكيش …
…………………………………..
وانا باقدّم ورقى فى الجيش .. أمى قالتلى يارب يكونلك فيه عيش 
قدمت فى الجيش قبلونى ودخلت مشاة .. والمشاه دول حرافيش 
أخدت فرقة صاعقة .. وبقيت م الخفافيش 
إدونى طابور تعايش وعلمونى إزاى فى الصحرا أعيش 
سلحونى وع الحدود ودّونى … أرض الزتون والياميش 
لقيت هناك صقور .. مش عساكر ع الأفيش
وفى يوم حصلت مداهمة … واتمنيت أكون أول الحرافيش 
طلعت اجرى ورا الدبابة .. قالوا ردّ يامستجد ورانا ماتجريش …
رجع المسيحى شايل المسلم .. والمسلم إدّه دمه للمسيحى عشان يعيش ..
ما انساش المقدم إيهاب .. وده كان مسيحى وهوا اللى حببنى فى الجيش .
بس المسيحى وانا صايم حضّرلى الفطار … وقال للسيجارة ماشربكيش 
دا خويا صايم وكده مايصحش .. ولو أنا صايم عمره مايجرحنيش …
لما دمّ اخوك يملا هدومك وقلبك ينكسر وانت ماتتحنيش ….
اوعوا تنسوا اللى بيضحوا بنفسهم علشان تعيشوا ولا اللى بيتاجروا ويضحوا بيكم علشان يعيشوا
نسألكم الدعاء لهم بالرحمه و المغفره

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: