الإثنين , يناير 18 2021

محمود العسقلانى ..يكتب ..صديقى عميد كلية المظاهرات

تحدثت مع صديقى عميد كلية المظاهرات وكان يحدثنى عن العدالة الغائبة وقلت له .. انت تفعل كما شحات بيشحت بمبونى أو عيش فينو .. إنت حتى تحقق العدالة الاجتماعيه لابد أن تنتج تزرع تصنع تبنى ولكن تشحت العيش بالمعونات وتقول لى عداله تتحقق . هذا مع الوضع فى الاعتبار أن الدولة واقعة تحت تأثير رجال أعمال عديمى الضمير يمصون فيما تبقى من دمها . وهناك إهدار للعدالة الاجتماعية .. ولكن ليس بالمظاهرات تتحقق العدالة الاجتماعية ولكن بالعمل .. لن نستفيد من الاحتجاج ولكننا سنستفيد من الإنتاج . يااااااااااااااااا لو كان التظاهر ينهى أزمة الدين الداخلى أو الدين الخارجى أو يقلل الفجوة ما بين الإنتاج والاستيراد .. يا لو كان الاحتجاج يخلصنا من مشكلة البطالة .

ياه لو كان التظاهر يخلصنا من عجز الموازنة إللى وصل 350 مليار تقريبا . 

ياااا لو كان التظاهر يعالج الخلل فى الميزان التجارى .

يااااااااااااااااا لو كان التظاهر يعالج مشكلة الدولار .

اكيد كان العالم كله حيتظاهر وأكيد كان كل دوله عملت وزارة للمظاهرات .

وأكيد كان البنك الدولى قضاها مظاهرات .

دا انا حغير أسمى من محمود العسقلانى إلى محمود المتظاهرانى وغير اسم عيالى من محمد واسمه متظهرد وسيف حسميه متظارسيف . وننشا برلمان للتظاهر ونسمى ميادين مصر ميادين المظاهرات .. حتى شارع محمد مظهر بالزمالك يبقى اسمه محمد متظاهر.

ونشرب شاى بالمظاهرات وعندك واحد مظاهر على بوصته وصلحو 

وبما أن حنقضيها مظاهرات نقفل بقى مصالح الحكومه ونبطل نزرع ونصنع وناكل بالتظاهر والاحتجاج ويبقى بقى الهتيفه ليهم تمن

ونشترى ونبيع بالمظاهرات .. ونسمى الجنيه متظاهر وطبعا الجنيه حيضرب الدولار بالجزمه لأن احنا قدرتنا على التظاهر أفضل من الأمريكان احنا عندنا مليونيات وميادين مليانه بالمتظاهرين .

عموما انا قررت اعمل مظاهره فى كل مكان فى البيت فى الشارع فى أى مكان حتظاهر مش حضيع وقت .. كفايه إللى عدى من عمرنا .

إللى جاى مش اكتر من إللى عدى . خلينا نعمل حاجه للعيال .. المظاهرات هى الحل .

يا كل زارع ويا كل صانع ويا كل إنسان بيحب العمل حبو المظاهرات والاحتجاجات .. علموا أولادكم حب الاحتجاج ورماية الطوب على الشرطه وركوب المظاهرات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: