فيس وتويتر

هبه درباله تكتب …..في سابقه هي الأولي في التاريخ

وفي سابقه هي الأولي في التاريخ أصبح أي مواطن يجرأ علي انتقاد أداء الدوله أوالرئيس أو مثلا يقول ان الكوبري بتاع السويد دا مش في سندوب أو ان إنهيار الجنيه حاجه وحشه أو ماشابه من قله الأدب دي ،عليه انه ينتظر ردود من عينه ماله الجيش ياولاد الوسخه ؟مش لولا الجيش دا كنتو ضعتوا ياولاد ميتين الكلب ياخونه ؟علي صوره ان كان راجل وهو قاعد جنب ست وان كانت ست وهي لابسه قصير وحاطه ماكياج مثلا وآدي ياسيدي الش…..اللي مش عاجبهم الجيش ..علما بأن المواطن من دول مابيكونش ياولداه جاب سيره الجيش علي لسانه ،،ويالا ياخونه ياقابضين ،،البركه في الدولارات ،وهكذا ..دا من كام سنه وبيزيد ..ومن أيام الإخوان كمان والنبي بس ماكانوش ماسكين مفاصل البلد حلو ،في ليله في حكم مرسي لقيت راجل دفعتي مشير صوره لست معارضه لأبو الأمراس قاعده في اوضه فيها كام مكتب ولاب توبات ولابسه حجاب علي راسها ومتصورين صوره جماعيه هي ومجموعه شباب وباصين الحقيقه للكاميرا والست من سني كدا ودا راجل كان بيصلي بزمايلنا إمام في مسجد الكليه وإخوان وكاتب تحتها فلانه ..مرحله في حياه كل شاب ..!!دخلت كتبتله ايه دا يادكتور فلان ؟ تفتكر دا يخدم علي قضيتك ؟أنا عندي عشرات للصور طبق الأصل الصوره دي ..ابقي انا كمان كدا؟اعتذر وشالها ودا خوفا من انطباعي انا وغيري ولأنه حريص في النهايه علي شكلهم ،دلوقت بقت دي القاعده ولغه الحوار ومفيش بأه تيار سياسي كمان وراهم يخافوا عليه أما ان كنت تيار أو نقابه او غيره مش فرد فلتستعدوا للتخوين الجماعي وفرقه البولشوي الراقيه اللي قدام نقابه الصحفيين دي إسهاما من الدوله في الرقي بالفنون !!احنا إنحطينا أوي أوي ..كفايه كدا بأه .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى