ثقافة وفنون

أيوه انا دايما بعانى…..قصيده للشاعر محمود يونس

أيوه انا دايما بعانى

فى غيابك م الحنين

شوق غريب بياخدنى ليكى

ألقى نفسى

قلبى وروحى مسلمين

أيوه أنا دايما بعانى

بعد منك

م الوحدة والخوف والسكات

أيوه أنا لو غبتى عنى

بقضى حياتى مسكنات

أيوه محتاج طبطبه

محتاج إديكى الطيبه

تمسح دموع الحزن

جوا قلبى المكتئب

تحمينى من نفسى

وقت إنفعالى والغضب

محتاج إديكى تمسك إديه

ألاقى خوفى بيختفى

محتاج لقلب يكون وفى

يحسنى ف صمتى وكلامى

و حاجات جوايا مكتومه

حاجات ما تتقالشى

بس مفهومه

حاجات لو إتقالت

هتكون بدون معنى

تفسيرها جوانا ممكن يرجعنا

حاجات نخبيها ونرد بدموعنا

كان نفسى إنك تعرفى

إن انت جوايا الحياه

وإن قلبى رغم ضعفه

عاش لقلبك وإشتراه

وإنه بعدك عاش غريب

جوا إحساسه وتاه

وفى النهايه نفسى أقول لك

الحب فطره ومسأله

محسومه جوا أى قلب

حتى لو حاول يعاند

لازم هييجى يوم يحب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى