عبير حرب تكتب علي الفبس ….عايزيين نقاطع ونحارب قلة الادب والاسفاف والابتذال في مجتمعنا

عايزيين نقاطع ونحارب قلة الادب والاسفاف والابتذال في مجتمعنا .لاننا وصلنا لمرحلة لا نحسد عليها لدرجة خلتنا نكره الاختلاط ونخاف من بعض .لاننا فقدنا الثقة في كل شئ بسبب ما نراه الان .ممكن اي حد يغلط في حد ويسبه ويقذفه بالتهم دون دليل وبكل بساطة لما يجد نفسه حيتعرض لاي عقاب مجتمعي او قانوني يلحق نفسه ويكتب كلمتين اعتذار علي صفحته علي فيس بوك او يعتذر في اي برنامج اعلامي وده طبعا مجرد هرب من العقوبة .بعد ميكون قلب الدنيا وجرح في الناس وعمل مليون كارثة . مش لازم نسمع الكلام المنمق اللي بيجيبنا ورا واللي ناس بتقوله عن التسامح وتقبل الاعتذار وان مفيش حد مش بيخطئ.ارجوكم الخطا لازم يكون له عقوبة عشان ميتكررش ونحاول ننظف مجتمعنا .وعشان كل واحد قبل ميقول كلمة يعرف انها سلاح ممكن يصيب في مقتل .ديننا العظيم حسنا علي اختيار الكلمات وامرنا بالكلمة الطيبة .في الفترة الاخيرة كانت كلمتنا مؤثرة واستخدمنا مواقع التواصل في محاربة نماذج كتير لسوء الخلق سواء كانت برامج او اشخاص او تصرفات .تعالوا نحارب كل سلوك سئ في مجتمعنا وبكل قوة وحزم .تعالوا نجبر المتسبب علي الانضباط وقليل الادب علي الالتزام .