الجمعة , سبتمبر 17 2021

هاتلي شئ واحد صحيح…قصيده للشاعره نجلاء نعيم

هاتلي شئ واحد صحيح
من غير كسور
بس ميكونش اعتيادي
وم التعود اترمى ف اخر الطابور
وكل ما يقرب لشباك أنانيتك
يمكن تناوله تذكرة
تسمح لحلمه بالمرور
تزقه تاني ترجعه…وتوجعه
وتقوله لسة ملكش دور
هاتلي شئ واحد صحيح
يكون صريح
من غير رتوش
ولا صبغة باهتة ع الوشوش
وعند اول مشكلة
يدوب يبوش
ويبان لنا وش الحقيقة المستخبي
اللي عشنا العمر واحنا منعرفوش
وشها المر القبيح
يصرخ يصيح
معدش بنا شئ صحيح
حتى هوانا اللي اتولد واضح صريح
اللي كان واقف جبل ما تهزه ريح
بقى جزء من مليون سَفر
جنب منه ع الشمال
بقى كسر عادي
او احتمال
ممكن يموت
ممكن يطاطي عشان يعيش
ممكن يحارب رغم انه خلاص جريح
لا هينتصر
ولا عدش تاني ينكسر
عشان خلاص مبقاش صحيح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: