جريدة العربى اليوم الاخبارية
مفتتح ..
خوفى هِــنـا ع الروح
لو تتوحــل ف الطين
وتسود صفاته الرضيه
بين البنى أدمين
@@@
ومن تانى .. هنتكلم
يجوز جدا رنين صوتى
يشخْص فى الظروف دائها
يجوز يقدر وجع حرفى
يقابل مس تريقاها
ونتعلم
نقابلها بتوب واسع
يخفف حبه من ضيقها
ساعات فعلا
بنتحجج
نحبكها .. نضيقها
برغم إن البراح واسع
بتحبس روحنا مزانقها
ولو هعمل ف وقت الشدة 100 حاوى
أو أتجنن
بمعنى أصح وأخاوى
ما بقدرشى اكون غيرى
منيش غاوى
وبعجز إنى اتلون بلون جذاب
فهُب
تطولنى خرابيشها
أطب
ف قلب كلابيشها
تحاصرنى طيوف وطيوف
امصمص وجعى
واتبسم
واقول دى ظروف
