شْفْتْ بْ شُوفَة مْخْطُوفَة
لْقِيتْ لْخطْوَة تَابْعَانِي
مْنْ ظْلِي
ظلْها كْوَاني
النْعَاسْ طْفَانِي
سْلْسَعْنِي
جُوُّعْنِي
مْنْ جُوعِــــي
لْغَمْضَة
عَادْتْ فْ عَيْنــِـي شَهْدَة
هْبَالِي ثْقــَـــالْ
مْنْ ثْقْلُو جْمْعْتْ قَنْطَارْ
غَرْبْلْتُو
لْقِيتُــو مْزْرَارْ
سْرَّحْت لْحْصِيـــــــَرة
بْغِيتْ نْجْمَعْ تْخْمَامِـي
لْقِيتْهـَـا قْصِيـرَة
طُولْهــــَــا سْطَرْ
فْ حْزَانِي
جْمَعْتْ النُّوضَة
تْشْـتـَــاتْ
فْ سُوقْ لْخُرْدَة
رْجَعْتْ نْشَالِـي
مَانَا بـَــايِعْ
مَانَا شـَــارٍي
كِيفْ نْقــُــولْ لْ هْلِي وُخْلاَّنِي
رَاهْ الجّْذْبــَــة سَالْبـــَــــانِي
عَايِشْ فْ زْمَانْ
مَاهُوَّ زْمَــانِي