الثلاثاء , يناير 26 2021

مارسيل وديع تكتب …..ببساطة شديدة

 

كويس طبعا ان شوية المجرمين بتوع ابو قرقاص يتمسكوا و يتحاكموا و ياخدوا العقاب اللى يستحقوه .. سواء كانوا جهلة او متطرفين او قبليين او مأجورين او عفاريت زرق .. 
دا مهم ..انما مش القضية الاهم .. 
الكبار اللى مستغفلينا و مشتتين افكارنا و انتباهنا و تركيزنا مابين سلطة جايرة على الدستور و قانون ماشى بمزاجه و قضاة اصبحوا مش قضاة عدل و رجال دين بيبعونا فى اقرب فرصة و ارض وطن بتتباع فى المزاد و طبقة قديمة مستدامة من رجال الجيش و الشرطة محصلين امتيازات ليهم و لاحفادهم كمان بدون وجه حق انما بوضع اليد .. و فئة رجال اعمال فاسدة و ناهبة ..
و غيردا كتير من آفات فى المجتمع .. شايفين ان النظام مدبر اموره معاها و موزع الادوار بينهم .. مين فيهم يمص دم الناس اكتر لغاية ماتبقاش تترجى فى عيشتها غير انه يتخد نفسها .. و تكتم صوتها ميطلعش .. 
اذا كل دا متغيرش بحيث يتم ترسيخ مبدأ المواطنة ..المواطنة الحقة لكل مصرى عايش على الارض دى ..و اقرار مبادىء العدل و المساواة و سيادة القانون و قفلنا منابر الدجل و الشعوذة الدينية ..
دا ممكن يكون أساس يبنى عليه قيام دولة مدنية ..
و الحديث يتكمل عليه الى ما لا نهاية من الاسس و المبادىء الافكار و المطالب . .
غير كده مأساة ابوقرقاص و تيران و صنافير و الاعتقالات القسرية و دولة امناء الشرطة و حالات الوفاة فى اقسام البوليس و الغلا و الكوى اللى الناس بتعانى منه و غيره و غيره .. هتكون تحصيل حاصل و مسلسل متكرر و منطقى لنظام قابض متحكم ..المواطن العادى مش داخل فى حسابات وجوده و استمراه . 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: