الأحد , يناير 17 2021

‏روميو_وجولييت‬ ……قصيده للشاعر سعيد شكري

 

وبتكتب … 

حروف الإسم بالطباشير
يشب لفوق وبمسحها .. 
عشان بيغير ..!!
يخاف ل الناس تبصلها 
يخاف م الذكرى تبقى مصير ..!!
يخاف لعيونه تلمحها 
ف وقت يعز فيه تفسير ..!!
ولد طيب .. بكل مايحمل المعنى 
وقلبه كبير .!!

ولد عاشق لكين خواف 
بطيبة قلبها الشفاف 
يقوم الصبح يتوضى 
ويمسح دمعته الفضة 
يشيل الحلم ع الإكتاف ..!!
وضحكة بتخزى عين الشمس 
منين مايشوفها ع الشباك 
بتنشر حلمها البنور 
وتبعت ضحكتين من نور 
على اللى هناك ..!!

وتضحك .. ينتفض قلبه 
يخاف م الورد ليفتح 
يشوف الضى ف عنيها
يشوفها وهى بتصبح
وتحدف بوسة بإيديها ..!!
يدارى الفرحة ف عيونه
ويقفل جفنه ع المشهد
يخاف لعيونه يوم تشهد
ع الجرح اللى يوم هيكون 
ف يوم بكره
مافيش ف الحب شئ مضمون
غير الذكرى ..!!
مافيش ف الحب شئ مضمون
غير الذكرى ..!!

 
 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: