ثقافة وفنون

قلبى مش ناقص جروح….شعر هاله عصفور

بالسلامه ياروحى روح
قلبى مش ناقص جروح
كنت ليا حلم ساكن
بالهوا كل الاماكن
بس قلبك قلب قاسى
فى الهوا خالف حماسى
عادى جدا سهل جد ا
يوم توفى ويوم تخون
يتنفض م البرد قلبى
وانت جنبى
يبقى ايه لازمة وجودك
ف الحياه بالنسبه ليَّا
يا كايدنى بالبرود
مش هضيَّع عمر تانى
ويا مغرور او انانى
أيوه قلبى
بحر هادر م المشاعر
وانت معجون بالسكون
يا فْـ براح الروح تسافر
او هدوء من غير جروح
م البدايه خدعنى صمتك
بس فاح م الصمت سمتك
قمت فـْ خيالى رسمتك
أو طابقتك (بالاصول)
لو بتشبهنى شويه
او تليق فى الحب بيا
اتصدمت فـْ بُعْد رسمك
واختلاف روحك وحسك
ابتسمت صحيح فى وشك
بس ما قدرتش ابوح
واما ملّيت من ردودى
السأم خالف وعودى
واتخلعت من الجذور
رغم قسوتها الملامه
الفراق بر السلامه
والصراحه بجد راحه
عايزه اقولك
لو هيفضل بينا رابط
م المشاعر والكرامه
بالسلامه يلا روح
قلبى مش ناقص جروح

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى