الإثنين , سبتمبر 21 2020

ناوي الرحيل ….قصيده للشاعر أحمد طليس من ديوان .. اغفر زلاتي

ناوي الرحيل
مش كنت قلت اودعك
لحظة غروب الشوق اللى فيك
وكنت شديت القناع وجريت عليك
وكنت اهديك بين اديك حبة حروف
كات عايشة جوايا مليانة خوف
من فجر بكره اللي محتاج الحنين
ناوي الرحيل وسايبني انا ف جبال أنين
والليل معاند همس مشتاق للسطور
قلبك المهجور حنان هربان م الديوان
والحلم عطشان طيفك الحيران م القناع
لساك هناك علي ضفاف سراب الحب المشاع
جوه منك من زمان .. عامل مزاد
ألا اونة بند كراسة شروط
ألا دوه رسم الملامح والخطوط
ألا ثري دمي اللي جف من الوريد
من طول البعاد. .ورهانك العطشان عناد
يللي رخصت الوداد
ونويت تسافر كما النوات بعيد
ونسيت فصول الشوق الأربعة
وبعدها ..راح تلتقي قلبي شهيد
هتعود اكيد لما قلبك يألمك
ويفكرك انك جنيت
علي حب كنت بتملكه كان كله ليك
ارمي القناع من فوق ملامحك
يمكن اسامحك
لوعاد لي نبضي اللي مدبوح مطرحك
لو عاد أكيد
هو اللي فات ممكن ف يوم
يرجع كما كان من جديد .

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: