الأربعاء , يناير 20 2021

نيفين شلبي تكتب ……انا مش خبيرة استراتيجية سياسية عسكرية و لا نيلة

 

شراء اسلحة جديدة و حاملة طائرات يمكن حاجة مهمة و كبيرة للبلد
انا مش خبيرة استراتيجية سياسية عسكرية و لا نيلة
بس اللي متاكدة منه في ظل حالة عدم الانتماء اللي عند الناس من الغلا و القهر و الفقر و المعتقلين الكتييييير قوي الاسلحة لوحدها عمرها ما هتبقي رادع و مدافع عن البلد
الناس وصلت مش انها مش قادرة تشتري لحمة لا ده الموضوع وصل للرز !!!!
انا واحدة من الناس اعتبر من الطبقة المتوسطة او فوق المتوسطة بحاجة بسيطة بقالي شهور كتير تجاوزت السنة ما اشترتش لحمة و مش مكسوفة اقول ده ، ده واقع طيب الغلابة بقي بياكلوا ايه ؟!! الناس ما بين موظفين في جهات سيادية متظبطين فا شايفين البلد تمام و فله و اللي بيشتكوا دول غوغاء … و رجال اعمال شاغلين لخدمة النظام و النظام سايبهم ياكلوا براحتهم في لحم البلد و شريحة صغيرة اوي ماسكه نفسها بالعافية و دول بيفكروا و بيخططوا للسفر في اقرب وقت و منهم اللي شايفين ان ده قدرهم و قاعدين مستسلمين ، و الغلابة لا عزاء لهم ” يتم التغذي عليهم ” من مصاصين الدماء بحجة حمايتهم من الاعداء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: