الخميس , يناير 28 2021

أحمد موافى يكتب : مصاريف المدارس الخاصة والمهزلة الأبديه !!

– ألو…أ/عادل والد الطفل مازن؟ 
* ايوه يا فندم..مين معايا؟ 
– انا تيتشر مني من مدرسة مازن
* اهلا بحضرتك..خير مازن كويس؟
– مازن doing very well.. Dunn worry at all
* اؤمري؟ 
– كونجراتوليشن يا فندم..ابن حضرتك اتخرج من KG2.. ??
*اه مامته قالتلي..خير؟ 
– احنا so proud ان مازن did it.. 
* و احنا مبسوطين..ان مازن did it بس يارب ميكونش وسخلكوا المدرسة…
– احنا بس كنا بن communicate مع ال parents عشان نقولهم علي ال graduation ceremony اللي هيتعمل للولاد..
* سيرموني!! مش دي بتتعمل للعيلة المالكة علي حد علمي!!! 
– لا يا فندم ههههههه دي بنعملها للولاد عشان نقولهم good job.. 
* تمام، طيب ما تعملوها!! 
– طيب هنحتاج من حضرتك تشرفنا في المدرسة عشان تدفع لنا fees ال graduation ceremony… هو مبلغ رمزي..
* لو كده ممكن ابعته مع الولد عشان مشغول؟ 
– لأ حضرتك ممكن الولد يضيع ال 1000 جنية بتوع الcermony.. و مياخدش باله!! 
* 1000 جنية!!!!!!!!!! 
– آه يا فندم…و في 400 جنية للروب اللي هيلبسه
* روب ايه!!! ده كله علي بعضه 50 سم!! 
انا اتخرجت و اشتغلت معيد في الكلية و كنت مأجر الروب حضرتك!!!! يبقي هشتريه لمازن بأمارة ايه؟! 
– و في بس 200 جنية للكاب بتاع الجراديوشن..
* حضرتك قصدك الزعبوط الاسود اللي شبه بتاع ساحر السيرك ده!! 
-اه يا فندم حاجة زي كده.. 
* البتاع ده ب 200 جنية؟! 
– اه يا فندم عشان كوالتي تعيش العمر كله
– و حبيت افكر حضرتك ان في parents بيجيبوا gifts لل teachers يشكروهم علي مجهودهم و يقولولهم good job… 
و ان في parents بيجيبوا هدايا لل students التانيين عشان يقولولهم good job.. 
و بيجيبوا للادارة عشان يقوولولهم good job.. 
* حضرتك هو انا متعهد ال good job عندكوا واللا ايه!! 
ما هو ده دور المدرسين!! و انا دافع الافات عشان يعملوا ال good job ده من غير ما اجيبلهم هدية تقولهم good job!!!! 
– اوك يا فندم..هنستني حضرتك و الاسرة تشرفونا يوم الخميس الجاي بس افكر حضرتك ان كل فرد هييجي هيدخل ب 100 جنية.. 
– و في 100 جنية fireworks و بابلز للاطفال.. عشان يفرحوا..
* طيب مفيش هابي ميل و زنجر سوبريم لبابا و ماما؟ 
– لو تحب يا فندم فيه بس ندفع 300 جنية ههههههههه
* يعني حضرتك الليلة دي داخلالها في كام؟ 
– ليلة؟!! تقريبا two thousands and half او three thousands كده .. 
* توو ثاوزند اند هاااف او ثري ثاوزندز!!!!! عشان اقول لواد لسه قالع البامبرز و لسه سايب الببرونة من سنتين good job.. 
ده انا ممكن ازود عليهم تو ثاوزند كمان و ادفعله قسط عربية!!

عامة متشكر جدا علي وقت حضرتك و ياريت تجهزولي ملف الولد عشان هاجي اخده بكرة و انا بشتري طرطور السيرموني و الاسدال بتاع الجرايدويشن..و لو في هدوم مش نضيفة لما he did it ياريت تحطوهالي في كيس ارجعهم للمدام تنضفهم!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: