الأربعاء , يناير 20 2021
أخبار عاجلة

‫‏صباح_وجهك …..قصيده للشاعره حلا الروح غ. أحمد

 

وجهك قصيدة ملبكة ب حالا
من كتر ما حلوة
وكل ما طلع ب البال إني أكتبا
ب تتسابق الحروف ت تقولا
يا ريت لو لاقي لغة تا أوصفك فيها
يا ريت لو باقي معي حكايات أحكيها
وجهك ي حزني ب أولو
ومتل الطفل محتاج حضنك هالحزن
ويا ريت زعلاتك معي ما طولوا
وجهك سفينة نوح
ويا ريت لو لاقي النبي فيني
حالف م بدي روح
وتا ضل صدق ما بقى فيني
وجهك متل هال(بعشقك)
يلي بقولا وما بحكيها
ويا ريت لو قولا شي مرة وتسمعا
(يا ريت)
يا ريت لو بقدر ت أنساها
وحياة حالك والحلا
بحبك متل (يا ريت) ما بتكون
لكن م رح بتموت
هالأمنية فيني
بحبك
متل هيدي القصيدة ملبكة ب حالا
من كتر ما صارت جميلة فيك
بحبك
ووجهك قصيدة بعيش كرمالا
حتى شي مرة أقدر وغنيك

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: