الثلاثاء , سبتمبر 29 2020

ريهام عرفة تكتب : حوار حول الشاب “هشام جمال” مخرج إعلان مجدى يعقوب وصاحب فكرته

اللي بيتريق عليه يحكيلنا كدة هو عمل ايه لما كان فى  نفس عمر الشاب  ده

تحت هذا العنوان دار حوار على صفحتي بينى وبين عدد من الأصدقاء حول

الشاب “هشام جمال” مخرج إعان مجدى يعقوب وصاحب فكرته  ..

وهذا ملخص الحوار الذى يعكس بوضوح اسلوب التفكير وزوايا النظر والرؤية للأشخاص والموضوعات 

222222222222.jpg


سامح محمد
  : ماهو بصراحة أنا و مراتي اختلفنا انا شايفة راجل و هي شايفاه بنت و أي حد مش هيعرف يفرق

أنا : شكله في الصورة راجل اهو…و بعدين العبرة بانه اشتغل و عمل انجاز ما في سنه الصغير …ده يخليه راجل اكيد

عمرو محمد :  إحترامى الشديد ليك.. أحنا بجيناتنا شعب هدام

عمار عبداللطيف :  اسمحيلي اختلف معك في الرأي .. أولا الناس اعترضت على مظهرة بغض النظر عن انجازاته .. واعتقد ان مظهره واختلاط أمره على الكثيرين هو مدعاة للاستنكار .. نيجي بقى للانجازات انه بيدرس في جامعة بره مصر او انه منتج فني وهو في هذه السن ليس انجاز له .. بل من انجازات اسرته .. انجازه الوحيد من وجهة نظري انه موهوب في الموسيقى .. وهذا لا يعفيه من اعتراض الناس على مظهره الغير ملائم لعادتنا وتقاليدنا .. اما السخرية من انسان بوجه عام فانا ضدها لانها عادة دميمة ننتهجها دون تمييز .. احترامي لحضرتك

أنا : هو انا مش فاهمة الحقيقة فين الاختلاف في وجهة النظر طالما متفقين ان السخرية من شخص بوجه عام هي عادة دميمة….لكن تمام…احترم وجهة نظرك

عمار …. :  الاختلاف في ان رفض السخريه لانه صاحب انجازات فهو ليس كذلك .. انما اتفق معك في رفض السخريه من اي شخص في المطلق ( وصلت وجهة نظري كدا)

أنا : لمن الحكم فيما يعد انجاز من عدمه؟ لو انت من اسرة فنية و ليك ابن قرر ما يقضيش مراهقته كشاب بلا هدف او عمل ….و ماكانش هيلام يعني بالنسبة لسن ال 16 سنة ….و وقام بمتابعة و ممارسة عمل ما و ووصل بيها لنجاح ما فانا اعتقد ان ده يعتبر انجاز …حتي و لو كان مجال العمل يعتبر بالنسبة لك بلا قيمة ….الانجاز هو العمل و النجاح في المجال المختار….كان ممكن يكتفي بدلع اهله ليه و يعيش في دعة و يكتفي بان اسرته بتصرف عليه و خلاص….لو بتعبر ده مفيهوش انجاز…يبقي معاك حق….احنا مختلفين تماما ?

عمرو جلال : مع احترمنا لنجاحه وتفوقه الي عامله ده اسمه تخنث وده مكروه للراجل المسلم الرسول عليه الصلاة والسلام كان شعره بينزل لكتفه بس علامات الرجوله كلها ظاهره فيه – محدش معترض علي شخصه او نجاحه بس التخشن للراجل مطلوب انا كنت فاكره واحده ست لحد ما اتكلموا عليه

أنا : ده شاب عنده 23 سنة ….فيما عدا شعره فين التخنث اللي بتقصده؟ علشان مش مربي شنب و لا دقن مثلا؟ ما شفتوش حاطط احمر و اخضر يعني…وشه حليق و شعره طويل …و بغض النظر عن ما اذا كان ذوقك يقبل ده او لا…فالباقي هو خلقة ربنا…… و مع ذلك طالما شايف ان التريقة عليه حق و المبدا مقبول…..خلاص اتتريق براحتك….محدش يقدر يمنعك

ع جلال :  اعوذ بالله اني اتريق علي حد بس لبسه نعومته في صوته شعره الطويل زياده عن اللازم يشبه تماما شعر النساء دي كلها امور تخنث وهوه الي عامله الراجل المظبوط مهما حب يعمل لوك او موضه معينه لازم يظهر اي مظهر لرجولته مش يخفي معالم الرجوله لدرجه تخلي الناس تحتار في امره ده مكروه وملعون شرعا وبحديث شريف

 أنا : طيب انا معترضة علي فكرة السخرية….و انت بتقول اعوذ بالله اني اتريق علي حد….و لكن بتدي العذر في التريقة عليه ….تلخبط دي شوية يا عمرو ? و بعدين محدش اعرفه شك في انه مش شاب …لكن الحيرة في امر نوع جنسه دي كانت من باب التريقة عليه

ع جلال  : بالله انا فكرته ست لحد ما لقيت الموضوع علي الفيس- مظهره الكلي مكروه وملعون شرعا يا ريهام – الرجل مامور شرعا انه يظهر بمظهر الرجال والي لابسه وطريقته في الغني حتي فيها ميوعه وميول للتانيث وده ملعون

أنا : مش فاهمة طيب…هو انت معين حكم عليه؟ هل من حقك تحكم علي مظهره؟ هل حد بيعرض عليك تجوزه حد من قرايبك؟ انت مالك بشكله؟ الجدال ليس بخصوص ما اذا كان شكله يدي علي راجل و لا ست… لو شكله مش عاجبك ده ما يديش حق السخرية منه… ..لو مش موافق علي ده يبقي ما تقولش باة اعوذ بالله اني اتريق علي حد …..بلاش تناقد نفسك   
ع جلال : انا مش بتريق بربي المعبود مظهره ده حرام ولو هيظهر للعامه ويعمل اعلان ويدخل ملايين البيوت لازم يخشن زي الرجاله الي هوه عامله في نفسه ده ميول للتانيث وده حراام علي الراجل المسلم ومينفعش يخاطب بسطاء وشباب وبنات

أنا : حرام؟! ههه ماشي يا عمرو..يبدو انك اتوظفت مفتي الديار…اللي تشوفه

عمرو جلال :  لاول مره احس اني اقنعتك

أنا : لا  .. ما تفرحش اوي ما اقنعتنيش نهائي علشان انا باتكلم في شارع و انت بتتكلم في حارة.. الجدال عند نقطة معينة بيبقي مالوش هدف و لا معني..اللي انت تشوفه انت حر فيه .
تعريف مختصر : 
أبرز المعلومات عن هشام جمال.
1- يبلغ من العمر 23 سنة ويدرس إدارة أعمال فى إسبانيا
2- مخرج الإعلان وصاحب فكرته
3- ملحن ومنتج وصاحب شركة roznama وقد أسسها وهو يبلغ من العمر 16 عاما
4- أنتج ألبوم دنيا سمير غانم الأخير ومسلسل لهفة ومسلسل نيللى وشريهان والذى يعرض خلال السباق الدرامى الرمضانى
5- عمل مخرج كليبات وإعلانات كما أنه لحن أغانى ألبوم قصة شتا لدنيا سمير غانم
6- أحد أعضاء فرقة تدعى “بوى باند” لديها عدد من الأغانى من بينهم أغنية تجمعهم بدنيا سمير غانم
7- آخره أعماله فى مجال الإعلانات قبل إعلان معهد القلب، إعلان عن أحد مساحيق الغسيل الشهيرة والذى قدمته دنيا سمير غانم


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: