الثلاثاء , أكتوبر 20 2020

مبحبكيش …..شعر شادي عرنوس

مبحبكيش
ازعلى
لو كان همومى تزعلك
ما انا ياما حسيت باللى فيكى وقولتلك
مبقتش انا لوحدى الملك
مبقتش انا لوحدى اللى قادر اصدقك
الكون هلاك
وانا كنت ناوى اكملك
حسيت كانى بقتولك
فهربت فيكى رجعتلك
اضعف من الاول كتير
شايل على اكتافى بقايا من بقايا الخير
بهتف بصوتى للى جيلك يملكك
ويبيع ما فيكى لاى واحد يسرقك ويسكتك
فماتسكتيش
الخوف طريقى لسكتك
وانا زيهم مضطر اعيش
كلمه نظام بلمحه ف عيون الشاويش
الضرب علم من العلوم منهج لجيش
هوا صحيح بيسيب اثر تحت الهدوم
فعشان كدا ميهمكيش
راضى بكل اللى انتى فيه
وراضى بكل اللى ابقى فيه
راضى بإنى اكون جرس
ميصحكيش
راضى على لسانى الخرس
مضطر اعيش
موطى راسى لركبتى
للارض بسأل يا ترى
شيفانى ايه
والناس عموكى مبتشفيش
وانا رغم حبك للاسف
مبحبكيش
حريتك دلوقتى متأكلش عيش
فى الليل بنتقطع حتت
وشببنا تايه فى الحشيش
اليل بقى يخوف اوى
من كتر ما اتكرر مفيش
غير الهموم
معمولا كوم
ونهارك اللى يكهرب حبه نجوم
فوق الكتاف متنطورين
كل اللى فاضل ليكى عندى كلمتين
بحبك موت بلحب هموت
بحبك هوا دا اضعف ايمان القلب
لما يكون حزين
وعشان كدا مبحبكيش

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: