الجمعة , أكتوبر 30 2020

سرق زي المدرسة ……شعر سيد صابر

سرق زي المدرسة
طب والكتب والكراريس وعلبة الهندسة
مصروف الصبح وطلبات المس والانش بوكس
واستاذ الماس خدي له مداس
البسي ياعروسة البحور 
وانا بك فخور
انا مش حرامي ولا لص
حتي اسئلي الوزير والخفير والناظر والمس
سرقوني فسرقتهم
هبيشة لعيبة … بورصة وخصخصة واستثمار ومسترال … لو مسرقتش ابقي حمار
اجيب لكم منين … مفيش
وفي الادارية والساحل … هندفع لكم بقشيش
هتاكلوا مصر يعني
ياشوية حرامية رعاع
مين اللي اشتري ومين اللي باع
محكمة
حكمت المحكمة حضوريا
يحبس الحرامي الضلالي
سارق قوت الشعب
سارق حلم البنت
سارق ضي العين
سارق عمر الشب
انا سرقت عشان تروح المدرسة
نفسها تبقي مهندسة … مدرسة
اخرس … اخرس
يازلنطحي ياجربوع
هنضف مصر منك ومن الجوع
رفعت الجلسة والحكم بعد المكالمة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: