الثلاثاء , أكتوبر 20 2020

أنا يا أنا ….. شعر مهاصبرى (إيمان )

أنا فرحك وانا عيدك ..
أنا حزنك وتسهيدك..
أنا البسمة اللى فى عيونك ..
وانا الآهة اللى فى نشيدك..
أنا الشوكة اللى فى ضهرك ..
وانا الوردة اللى فى إيدك..
أنا النبض اللى ف عروقك ..
ودمى يجرى فى وريدك ..
أنا بوحك وانا نوحك..
أنا سرك وتهديدك ..
أنا فرحة زهور طارحة ..
رموش جارحة ..وتنهيدك..
أنا طرحك نزيف جرحك..
أنا وعدك وانا وعيدك..
أنا الضمة وانا اللمة ..
انا أمك وانا وليدك..
حمام زاجل بيتمايل..
بأحلى رسالة فى بريدك..
أنا نارك وانا الجنة ..
وانا عبدك وانا سيدك..
أنا المهرة اللى رايدها..
أنا الحرة اللى بتريدك..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: