الأحد , سبتمبر 20 2020

ياقلبى ليه…..شعر أشرف الشناوي

ياقلبى ليه
عايش عصفور
أول مايطلع
حبل النور
تفضل تزقزق
كدا وتدور
جوا القفص
محكوم بالسور
نفسك تطير
وتعدى بحور
وتلف بلاد
وتعد قصور
ياقلبى ليه
عايش عصفور
والحلم فيك
محنى ومكسور
نفسك فى عش
يكون فاضى
وقلب ياخدك
م الماضى
تعيش معاه
وتكون راضى
لايحكمك سجن
وقاضى
ياقلبى ليه
مخلوق عصفور
خليك كدا
واحلم بالنور
لتخطفك
م السجن نسور
اصل الفضا
فيه برضه جحور
فيها التعالب
من غير دور
وديابه ترمى
شبكها النور
علشان تصيد لها
كام عصفور
كان حلمه
يخرج يوم للنور
خليك ياقلبى
كدا عصفور……..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: