جريدة العربى اليوم الاخبارية
الديب بيقول للتعلب
بيقولوا عليك مكار
ضحك التعلب وإستغرب
إزاى يا صديقى تصدق
دى إشاعه طلعها حمار
قاله طاب إدينى أماره
إنك طيب وأمير
قال بس تعالى معايا
أنا هاخدك عند البير
فيه وجبه كبيره ودسمه
الديب من جوعه إتسرع
وافق من غير تفكير
نزل التعلب ف الأول
على حبل وليه طرفين
التعلب قال للديب
إنزل يا صديقى بسرعه
دى وجبه تكفى إتنين
إمسك فى الطرف التانى
م الحبل أنا مستنيك
أجمل احساس يا صديقى
إنك تبقالى شريك
واهو طب خلاص فى البير
والتعلب هب لفوق
وف لحظه إكتشف الديب
إنه فى البير مزنوق
الديب قال له أنا مستغرب
معقوله خيانه ما بينا
جوا عالم الأشرار
التعلب قال له يا صاحبى
غدار بيخون غدار
