جريدة العربى اليوم الاخبارية
الصدگ
ديرة شـرف…
واليريد ايخيط افتوگ الچذب…
لازم يوضي الــشفاف
بغنوة بيـضـه…
ولازم يشيع دمعته بخد شهيد!
خاطر اعيون الدفِــاتر..
تمسح اچفوف الذنـب….
وانه ماريدن ذنــب… تاليته نار…
ديـّـة ازلوفــي
خلگ چف اليمشط كل تعبهه
وديــّة اعيوني كحــل مديوف بيك ..
شـما يـزم ثوبي أعله چفك…
تاخذه الريح وتطلجه…
ويلبس الفــِشله… حرز
حگهه النواعــي…
ايتـيه بظنونه ويچل حسره
اعلــه جيدي…
ويستحي ايچمل طريجــه
ويعتنيك
ولا تيهني بـ حچي اندليت اجيك
هيه خطوه من الرمش
شبــگة حلم!
شوگي مرقد ..شدد انفاســه
اعلــه چلمة…
ولا علگ شفتك… دنــه جروف السوالف
ولاهي صوغــه ..اعلـــه
التراچي الگاهه منك…
طوگتني بهالـه سوده…
اتشرعبت حسراتهه
وشنهي فايدة القصـايد…
من تظل حفنه ورق
وانته اعله انته!
لاحلم
لا شوف
لا چلمة عشگ…
خلني اكبر…
خاطر اباب العمــر تلگاني حـِنه
واشبچ اخر ضحچه مني..
واخدر ابين السنين
اجناح ضي…
ينطي عمره لكل ظـلام..
امفتح اشبابيــچ روحه لكل سموم
وما يخم شبـاچه في…
خلهه تستغفر جِبلتي!
مشتهاتي اشموع شجخ
كل دمعهن سـالفة ون الـدعـه
وكلشي يطفه
ابين اصابيع القنوت
يرجع ابفشِله اعلــه حسي
وتنكــز ال آاااخ بحزنهه
تخرخش اونيني بدمع
عن لا اسمعــه…
وشسمع!!
اللهفه خذتني الـ غير ديـره
وسايرتني…
اجدام مذيوره اعله سجه
ماهي رجعه…
وهاللهــاة الروح بارح…
مامش امية عشگ
تروي الخلگ..
وهذا گلبي
وشنهي عوزه
وليش مايغفه اعلــه اعله نبضك…
وشنهي عوز امرايتي…
وماتكشخ بضويات وجهك…
انه نوخت الدمع ..بيه سبيل
وطشرتهن بين خدي
ولاتگلي .
الروح مامش…
اسكت شمالك؟!
هذاك انته البطر لايگ عليك…
باوكت ذروة حلاتي..
وشيعت جدمي
بندم! ….
