جريدة العربى اليوم الاخبارية
أنا ثابت والدنيا بتمشى
ولا العكس
طاب ليه القط ماشى بيطوح
بسأله قال واخد ماكس
وأبو قردان لابس برنيطه
والفيل إزاى راكب تاكس
والأغرب الفار بيشاور
عايز يركب جنب الفيل
والكلب نزل من الأتوبيس
قال علشان يشترى مناديل
والديب والكلب بيتمشوا
داخلين مطعم قال يتعشوا
وقابلهم خارج م المطعم
التعلب ومعاه أصحاب
قطه وبطه ووزه جميله
كانوا واقفين عند الباب
الديب إستاذن م الكلب
قاله هكلم صاحبى التعلب
ماتيجى معيا معاهم نسهر
قال لا ياعم أنا شخص مؤدب
رد الديب وكان مستاء
يا صديقى إلا الأخلاق
ليه كدا كبرت الموضوع
أخلاق التعلب معروفه
واللى معاه بنات عائلات
شوف القطه إزاى مكسوفه
والقرد ماشى مع غزاله
وواخدها جوا شارع عتمه
فجاه إستنت بصت بصه
سابت إيده وراحت شاتمه
والنمر أهو قاعد ع القهوه
بيلعب طاوله ويا حصان
عدى الفهد قاله تعالى
قاله هروح أصلى جعان
والتعبان كان ماشى فسلم
على عصفوره
بص لصاحبه قاله إتعلم
قال على إيه شكلها مغروره
