جريدة العربى اليوم الاخبارية
السلطه قالت للمال
ما تتجوزنى يا ابن الحلال
وإللى هيخطرلك ع البال
هنفذهولك ف الحال
خد الموضوع بأهتمام
وأسمع منى الكلام
مش كل مره هتدفع تفوت
ساعات كتير هتحتاج كروت
وحدك هتفضل واقف كتير
زى غيرك أعداد طوابير
معايا هتمسك منصب كبير
قيادى ف حزب أو تبقى وزير
ولما يؤون الأوان
جنب كل إللى فات
هدخلك البرلمان
من غير حتى أنتخابات
وساعتها أمورك هتمشى بسهوله
ولو جرالك حاجه انا المسؤوله
ولو يوم عملت مصيبه ف مدينه
هخرجك منها زى الشعره م العجينه
بس خلى اجابتك ف كل مشكله
واحده مع المسؤولين
وما تديش أهتمام
ولما تزيد الأسئله
قولهم أنتوا ما تعرفوش أبقى مين
أنا جوز المدام
