ثقافة وفنون

نوال صالح تكتب : مصر جميلة .. رحلة داخل جمال مصر

مصرجميله خليك فاكر  .. مصرجميله
ركبت المترو ونزلت محطة مارجرجس
مجمع الاديان…
المتحف القبطي …
المعبد ..الكنيسه …والجامع
كنيسة مارجرجس الاثريه
المعبد اليهودي..الكنيسه المعلق
جامع عمرو ابن العاص
فرحت بالرحله جداااا…بقالنا كام سنه بنلف ونشوف اثار بلدنا اللي الدنيا كلها بتيجي تشوفها واحنا لا
لما تنزل محطة مارجرجس هتلاقي قدامك المتحف القبطي وحصن بابليون ..اللي اتبنت علي انقاضه الكنيسه المعلقه
في المتحف انا انبهرت ب الايقونات والرسومات القبطيه…
لكن اعيب علي الدوله وبشده انه مكنش فيه اي حد يشرحلنا الحاجات الموجوده..ودا خطأ كبير
النيل كان في مصر كلها ..سبحان الله
دا اللي بنكتشفه كل لما نروح مكان ..نلاقي النيل سايب اثر
طلعنا علي كنيسة مارجرجس
نقوش في السقف وروعه في المعمار
وفوجئت طبعا انه دا مزار كبير اخوتنا الاقباط كلهم بيرحوا زيارات ليه..
فيه منهم اللي بيجي دايما ومنهم زي حلاتي اول مره يجي
ولعت شمعه في الكنيسه ودعيت..كلها بيوت ربنا …وام النور حبيبتنا طبعااا
البوست مصحوب بصور لكل اللي انا بتكلم عليه…
دخلنا المعبد اليهودي.ولقينا فيه كمان ناس ورسم جميل وخشب في السقف
كلها حاجات بنشوفها في حياتنا اليوميه
جوه المعبد ممنوع التصوير
طلعنا بقي الكنيسه المعلقه …تحفه وروعه ليه معلقه لانها مبنيه علي انقاض عمودين من حصن بابليون
ريحة البخور جميله
مجرد ما دخلنا لقينا معانا ست جميله بتطلب مننا انها تصحبنا في جوله وتحكيلنا قصة الكنيسه استاذه سوزان
كل معلومه قالتها اتحفرت جوه ذهني..حكايات عن ام النور لما تجلت وطلع التجلي علي عمود من اعمدة الكنيسه وكرمات منها
وان فيه نخله شايله الكنيسه مع بقايا الاعمده ..واحنا عارفين ان النخل بيسوس…فدي عجيبه من عجائب الدنيا..
سميت بالمعلقة لأنها بنيت على برجين من الأبراج القديمة للحصن الروماني (حصن بابليون)،
ذلك الذي كان قد بناه الإمبراطور تراجان في القرن الثاني الميلادي، وتعتبر المعلقة هي أقدم الكنائس التي لا تزال باقية في مصر
جددت ف العصر العباسي علي يد هارون الرشيد…….. ثم جددت مره اخري ف العصر الفاطمي علي يد العزيز لدين الله الفاطمي
مدام سوزان اللي اصطحبتنا وحكت لنا الحكايات دي
قالت ان مفيش سبع كنائس محيطه بالكنيسه المعلقه
لا دول سبع هياكل للصلاه
الكاهن بيصلي جواهم والحضور بيصلي معاه من بره المحراب
وفيه جوه زي منبر اثري من الرخام
واقف علي ١٤ عمود منهم ٤ باللون الرصاصي
ودا كان ابونا بيقف يقول للناس عليه العظه الاسبوعيه قبل وجود الميكات
جوه الكنيسه موجود صوره لام النور بتبص فيه لكل الناس من كل زاويه
ودي اللي اتخدت منها رسمة الموناليزا
وفيه كمان رفات لفتاة مسيحه عذبها الرومان حتي تعود للوثنيه ولكنها لم ترضي..وفيه رفات ٤٠ فتاة معاها
وكمان رفات شهداء كتير
الكنيسه من جوه ممنوع فيها التصورير
ملحقناش نروح الجامع بس اكيد هروحه تاني

ربما تحتوي الصورة على: ‏‏‏٣‏ أشخاص‏، و‏‏بما في ذلك ‏‎Nolaa Saleh‎‏‏، و‏‏‏‏أشخاص يجلسون‏، و‏نار‏‏ و‏شموع‏‏‏‏‏

ربما تحتوي الصورة على: ‏‏‏‎Nolaa Saleh‎‏‏، و‏‏يبتسم‏، و‏‏‏‏وقوف‏، و‏‏نبات‏، و‏شجرة‏‏‏ و‏نشاطات في أماكن مفتوحة‏‏‏‏‏

ربما تحتوي الصورة على: ‏‏‏‎Nolaa Saleh‎‏‏، و‏‏وقوف‏‏‏

لا يتوفر وصف للصورة.

ربما تحتوي الصورة على: ‏‏‎Nolaa Saleh‎‏‏

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى