الجمعة , فبراير 26 2021

متسأليش ….قصيده للشاعر أحمد طليس

متسأليش
ملامحي فين
ملامحي تاهت من زمان
مفضلشي غير حبة رتوش
مرسومة من نفس الوشوش
يازمان وحوش
فيك القلوب ملهاش أمان
مليانة من دم الهامان
وواخدة م الفرعون كمان
قواميس تبوش
والتراجم والمعاجم
مرمية أسراب الديوان
فك الطلاسم
محروقة الشفرات كمان
وانا وحدي مرمي علي ضفاف الخيال
ودموع ألامي
ويا شوق دايما سجال
والمعبد الأطلال عنكبوت الباب
الموت يخبط خطاوي القبر صوت
الموت يسيبك. .أصله عارف
إن إنت إبن موت
وان الرحيل دايما ف روحك
والحرمان سكوت
افرد شراع الحلم لحظة ف مخدعك
مين يسمعك. .أو يجمعك أو يطرحك
الكل عايز يدبحك .. ودمك مباح
رمم جراح الحلم فيك
وامسح عنيك
واقفل عليك شوقك العطشان محال
شد الرحال الشمس راحت للغروب
وافتكر أن اللي باقي ف محتواك
لحظات يادوب
أعلن هروبك م الحياة
تمتم تراتيل الشهادة وانتظر
لحظة ركوبك محملك
وطقوس رحيلك
واطلب رضاه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: