الأربعاء , أكتوبر 28 2020
أخبار عاجلة

مفيش !!! ديالوج ……قصيده للشاعر محمد سعيد

مفتتح ..

طب ليه بنسكت لما نحتاج للكلام ؟

عشان كهوف الخوف ..

بتحبس جوه جواها الأمل
ومفيش حقيقه فيها معنى بيكتمل
الخوف يضيع كل شىء
بيفطس الحلم البرىء
قلب إما حتى نحلمه
ونفوق على الهم التقيل
ايه اللى مفروض نعمله ؟
1
السكوت لو تبقى شايف .. 
آه وعارف
وتْــ سألت تقول ..
مفيش !
واللى فيه عارف حدوده
فيه أكيد بعض الحاجات
مبتتحكيش
واللى حاسس بيها قلبه
مش مهم النزف عنده
قد ما يهمه إن ..
إحساسنا يعيش
2
دا بعض الصمت مش كلة 
يا راجل .. روّح 
جمال الطين ما يكملشى ..
بغير الروح 
وبعض النزف لو طوّل 
بيبقى يا حبيب قلبى 
جروح ف جروح
3
السكـــــوت فعــلا صحيح
دمعة خارســــة ف العيون
ترجمة لــ إحسـاس جريح
كل تفـاصيله شجـــون
السكـــوت لحظات خـــدر
ألـف 100 كرباج بيضــرب
بس إيه يوجــع .. دبيــــح 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: