الخميس , مارس 4 2021

غمض وفكر….قصيده للشاعر محمود يونس

غمض وفكر

عشان الماضى يتكرر

إرجع ورا وغمض وفكر

وإسرح كتير

قوى فى اللى فات

وإفتح كتاب الذكريات

مع كل صفحه

فلاش وصوّر

هتلاقى جوا الصورة ناس

ملهاش وجود

وناس معها تتمنى

الزمان يعود

وناس تتمنى تلقاها

بعيد جدا عن الصوره

وناس الدنيا وياها

كما الجنه

وناس فى الصوره محشوره

بدون معنى

فيه ناس تشوفها فى الصورة

بوش غريب

وناس ملامحها مرسومه

ملامح ديب

وناس تشوفها تستغرب

ملامحها كما التعلب

وناس بملامح الإنسان

وتتلوى كما التعبان

وناس ملامحها مبتوره

وناس تيجى توصفها

تلاقى الصوره مكسوره

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: