الجمعة , فبراير 26 2021

مش تحاسب ….قصيده للشاعره نادوا فتيحه

مش تحاسب !

خَلـّى فى كام متــــر بينــا
تمنع الكيميـــاء
اللى بيــنا
تمنع الشوق اللى نفســـــه
يبقا مُجــرم و محاصرنـا

إبقا ســـــلّم من بعيـــــــــد
مش ضرورى
تمد إيــــــد
الســـخونة اللى فى إيــدك
قــــادرة و تدوّب حديـــــد

و أما تبقـا تبــُص ليــــــة
إرحم الضعف اللى فيـــــة
مش ضرورى
تبـُـص بصّة
فيها عشــــــق و مفتريـــة

و إبقا إتجاهل و جــــودى
لاحسـن أخرج عن حدودى
و أظهِر الجنب اللى مخفـى
بإنشــــغالى
و بــــردودى

و لا أقــــولك لما توصل
إنســـــى تفصِل
أو تمثــــل
إبقا خـُـد إيــــدى و ســـــلم
و اللى يحصل يبقا يحصـل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: