جريدة العربى اليوم الاخبارية
كلنا اتريقنا علي مخترع الوحش المصري …
لكن حد سأل نفسه مين فتح له ميدان التحرير ومين شير وبعت الفيديو اللي انتشر كالنار في الهشيم ؟
كلنا لفظنا طالب الازهر مدعي الجائز العالمية ….
لكن حد سأل نفسه اية الدافع اللي يخلي طالب متفوق يكدب الكدبة دي ….او مين ساعده علي انتشار كدبته لدرجة ان الجامعة والمحافظ رتبوا لتكريمه ..وجميع وسائل الاعلام تتناقل الخبر ؟
كلنا شتمنا كريم السبكي بأشد الالفاظ لكلامه عن سيدات مصر ….
لكن حد سأل نفسه لية مصطفي بكري يعلق علي الموضوع بعد اذاعته بشهرين ؟ ومين دا اللي قعد يراجع حلقات خيري رمضان شهرين …علشان يطلع الكام دقيقة دول .؟
وغيرها اسألة كتير …واجاباتها برضوا كتير …..
اللي هيقولك الاخوان
او المخابرات
او امن الدوله
او الحزب الوطني
او رجال اعمال
وكل السيناريوهات دي ليها مؤيديها ومريديها …
لكن الاجابة اللي مقتنع بيها علي المستوي الشخصي ان صحيح مفيش حاجة صدفه …
لكن الاهم هو ان العالم كله شغال بويندوز 10 واحنا لسة شغالين بكمبيوتر صخر
العيب في السيستم
