السبت , سبتمبر 19 2020

من زمان .. شعر : نشأت عطيه

من زمَان.. قَبل ماشوفِك جَمِيلة
كُنت مخْطوف بالحنَان
كُنت بَمشى الخطْوَة أوشْوِش
كُل أسماع الحِيطان
هَمسَة من قَلبى والَمِس
قَلبك العطشَان جِنَان
والبِيبَان الواسعَة تِفتَح
الف شَمسَة فى الغِيطَان
يِطلَع النوَار أمانى
واشتَهيكى فى كُل دَار
خَالتى (وَصْفَه) والنَصيب
والغَلَابة فى حُضن ديب
واللى نَاوى عل المشِيئة
واللى نَاوى يكون أدِيب
يِمسَح الأقدار ويُكْتُب
الف ليله فى المَغِيب
حِلم مصر مُش هيصعَب
عل شَايِفُه من قَرِيِب
واللى شَايف إن بُكْرَه
لَحظَة فى عِمُوم النصِيب
كُل دَا والقَلب شَايلك
(سلمى) من لَحظِة مَشِيب
خُفت أشوف الحُب فيكى
قِسمَة رَاضيَة بالنَصِيب
تُحضُنينا زيى ماإنتى
عَاجزَة فى لحظِة نَحِيب
كُنت فَاكر إن عَزمى
نِيَة من عَزم الحبيب
والتَقِتِك جَمب مِنى
صَرْخَة من عزم المَغِيب
امتى يِجِى اليوم وأشُوفك
نَبضة فى حُضن المَشِيب

(نشأت)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: