الإثنين , سبتمبر 28 2020

يابحر قلي قصيدة للشاعر اليان سمعان ابو طوني

يابحر قلي بس ازرقك من وين
–==0*0==– ياما شردت كتير وسالت موجاتك

لايكون صبغة من سحر عالعينين 
–==0*0==– قلي الحقيقة كيف ورد وحياتك

كيف الحلا قلي بينكتب حرفين 
–==0*0==– يمكن وراق الدني بتعوز همساتك

قلي شو سرك ياجامع القلبين 
–==0*0==– بيحلى الحكي والحب عاغياب شمساتك

هالبيت عالي كتير مابيوصلو سطرين 
–==0*0==– حملني معك شوفا مابين غيماتك

شاعر غزل ضايع مابين نارين 
–==0*0==– بيطفي لنار العشق بيولع بجمراتك

حرف الشعر محتار يجيبها من وين 
–==0*0==– عيونا الزرق قصة ولون مياتك

ياحب راح بنطر على الشطين
–==0*0==– بحر وهدب هالعين اسمع لهمساتك

ارسم عارمل البحر للفرح دارين
–==0*0==– دخلك يابحر الحب لاتعلى بموجاتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: