السبت , أكتوبر 31 2020

وابل ريقى….شعر : أشرف الشناوى

وابل ريقى
من ابريقى
الصبر مرر
كدا ريقى
لاضحكه طلعت
من قلبى
ولا حلم يوم
شوفته حقيقى
وتعبت م الخلق
بحالها
والكل بيكدب
وينافق
والليل يكسر
فى الغافق
والجرح للجرح
مرافق
وعنيا مفتوحه
مرافق
طفش الحمام
كدا م الغيه
حتى اليمام
مات م الحسره
والدنيا طلعت
مش بصره
العيب طلع
كدا م القطره
والصوره قدامى
اتهزت
دابت خيطانها
واتمزت
وناس فى ناس
قامت عزت
وبكره عمال
يطنطط
والسقف على
راسنا ينقط
والصبح يخطف
ويلقط
والضى لوز
لسه مافتح
وعينيه يادوب
بادئه تفتح
اخدوه اوام
عند المدبح
والكل قام علشان
يدبح
درويش وتايه
فى الحضره
والموت بيبدأ
بالسكره
والروح بتطلع
فى دقيقه
زهقانه من كتر
الضيقه
كائنها جوا غريقه
لامركبه ولا طوق
ليها
ولا ضحكه واحده
تعديها
على بر شايفاه
بعنيها
وهابل ريقى
من ابريقى
يمكن اشوف
حلم حقيقى
وانسى الوجع
وألقى طريقى……

اشرف الشناوى
شاعر عاميه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: